Item ad obviandum expensis que fiunt per scolares in privatis examinationibus, et ad obviandum malis consuetudinibus, statuimus et ordinamus quod magistrorum nostri colegij nulus de cetero audeat, vel presumat, asociare aliquem scolarem in eundo et redeundo ab examinatione privata, nec ad publicam, cum hoc sit contra honorem totius collegij magistrorum et sit dampnosum scolari propter expensas quas debet facere occaxione predicta, et quod magistri non possint de hoc petere licentiam a domino priore sub pena xx soldorum bon., exigenda ut superius dictum est, et nisi fuerit nepos, vel filius, vel frater alicuius magistrorum de colegio, salvo quod liceat doctori suo sociare eundem.