[489] Item quod qui examinari voluerit in artibus omnibus simul, ordine servato supradicti statuti, prima die recipiat poncta pro prima lectione in libro metaphysice et pro 2.^a lectione in matematicis in libro sp[h]ere; in 2.^a vero die pro prima lectione in loyca in libro posteriorum, pro secunda lectione in gramatica in prisiano minori, et tunc omnes doctores teneantur arguere secundum morem consuetum et servare ordinem datum et sic in omnibus artibus cum duobus examinibus dictis et cum solutione de duobus examinibus possit pertransire. Si vero velet promoverj solum in loica et phyloxofia, teneatur se subicere duobus examinibus ordine dato, et solvere pro duplici examine. Si vero velet promoveri in gramatica et loyca, iterum teneatur se subicere duobus examinibus et solvere pro duobus. Si vero in gramatica et retorica, possit, et non teneatur, se subicere nisi unico examini et solvere pro uno examine; si vero promoverj voluerit in phyloxofia et astrologia iterum non possit compelli nisi ad unicum examen et unicam solutionem. Si vero vellet promoverj in tribus istarum scientiarum, quecunque sint ille, iterum teneatur se subicere duobus examinibus et solvere pro duobus. Si vero velet promoveri in medicina, vel in aliqua, artium teneatur se subicere duobus examinibus et solvere pro duobus. Si vero in medicina et artibus voluerit alias promoverj, teneatur facere tres examinationes et solvere pro tribus examinibus. Et eodem modo dicimus, si aliquis voluerit promoveri in medicina cum aliqua distinctione, pro tunc fiant due examinationes et solvatur pro duabus. Et que diximus de privatis, idem dicimus de publicis fiendis modo et forma predictis.