Ob rem publicam et ut unicuique proficiat labor suus, iuxta vivacem Casiodori sententiam, et ut melius studium vigeat et ut scolares animentur ad dictum studium et profectum, et ut ceteri ad s[c]ientiam et doctrinam prontius et profectius disponantur, et etiam scandala tollantur, que [h]actenus sunt secuta ex impericia cirugicorum, ideoque cum nutriant premiorum exempla virtutes, prior et collegium phisicorum mature deliberans providum et discretum virum atque fide dignum magistrum… condam… de talibus, vel de tali loco, approbatum in pratica ciruxie quo ad omnem sui partem in matriculla cirucicorum constitu[u]nt perfectorum licentiam, arbitrium et potestatem tribuentes eidem, ut hic et ubique locorum artem ciruxie valeat exercere. Ad quorum omnium evidentiam clariorem privilegium presens scribj mandaverunt per notarium infrascriptum et notarium medicorum dicti collegij, et sigillj dicti collegij bon. appensione munirj.