Constituimus et ordinamus etiam pro honore studij tocius Bonon., et pro utilitate scolarium in medicina studentium et ad utilitatem et bonum publicum, quod nullus doctor phisice facultatis, civis vel forensis, audeat vel presumat legere in vesperis praticam medicine, nixi fuerit doctoratus in civitate bon. vel alibi in famoxissimo studio, et legerit vel praticaverit in dicta s[c]ientia per spatium trium annorum ad minus postquam doctoratus fuerit, de quo plenam faciat fidem nostro collegio, sub pena cuilibet contrafacientj librarum quinquaginta bon., exigenda per dictum potestatem Bon. vel eius vicarium, cuius medietas applicetur comuni bon. et alia medietas nostro collegio.