Item statuerunt, cum utile et necessarium sit scolaribus super lectura librorum salubriter providere, quod de cetero in lectura et super lectura librorum legendorum de cetero tam in medicina quam in phylosophya et astrologia talis ordo servetur; videlicet, quod secundum infrascriptum modum hinc ad vigintiquinque annos proxime secutoros inchoandos, et infrascripto ordine, pro primo in phylosophya primo legatur totus liber physicorum, quo lecto, legatur primus de generatione et corruptione. Extraordinarie primo legatur secundus de generatione et corruptione, quo lecto, legatur liber de sompno et vigilia, quo lecto, legatur liber de phisonomia Aristotilis. In secundo anno primo legatur liber de celo et mundo, quo lecto, legatur liber Mathaurorum, quo lecto legatur liber de sensu et sensato. Extraordinarie primo legatur liber de substantia orbis, quo lecto, legatur liber de memoria et reminiscentia, quo lecto, legatur liber de inspiratione, de respiratione. Quo lecto, legatur liber de morte et vita. In tertio sequenti anno primo legatur de anima, exceptis erroribus primj, quo lecto, legatur prohemium Methaphysice et non plus de primo. Quo lecto, legatur secundus eiusdem, quo lecto, legatur quintus, sextus, septimus, octavus, nonus, decimus et duodecimus. Extraordinarie primo legatur de quarto Methaphysice a principio, usque ibi: principium vero ad omnia talia. Quo lecto, legatur liber de longitudine et brevitate vite, quo lecto, liber de causa motus animalium. Et quod semper lectura extraordinaria incipiatur legi in festivitatibus paschatis resurrectionis.

In Medicina in primo anno primo legatur primus Avicenne, excepta anothomia, et exceptis capitulis de naturis temporum [ann]j secunde fen, et excepta tertia [275] fen, preter ista capitula de tertia fen. Que legantur scilicet [pri]mum capitulum de necessitate mortis, et capitulum de egritudinibus, que accidunt infantibus, et capitulum de regimine eius quod comeditur et bibitur, et capitulum de regimine aque et vinj, et capitulum de sompno et vigilia. Pro secunda lectione in mane primo legatur liber de differentijs febrium, quo lecto, legatur liber de complexionibus, quo lecto, legatur liber de malicia complexionis, quo lecto, legatur liber de simplici me[dici]na, excepto sexto; quo lecto, legatur primus liber de crethicis. In nonis primo legatur secunda fen quarti canonis, qua lecta, legantur canones secundi. Quibus lectis, legatur liber de interioribus, excepto secundo, quo lecto, legatur sextus de regimine sanitatis, quo lecto, legatur secundus de crethicis, quo lecto, legatur liber aphorismorum, excepta septima particula. In secundo sequenti anno pro prima lectione de mane in medicina, primo legatur liber tegni, quo lecto, legatur liber pronosticorum, sine commento, quo lecto, legatur liber regiminis acutorum sine commento, et excepto quarto. Quo lecto, legatur liber de viribus cordis usque ibi: postquam locuti sumus, exclusive. Pro secunda lectione de mane primo legatur liber de accidenti et morbo. Quo lecto, legatur liber de crisi. Quo lecto, legatur tertius de crethicis, quo lecto, legatur tractatus primus libri de febribus ad Glauchonem. Quo lecto, legatur liber de tabe, de utilitate respirationis. In nonis pro prima lectione, primo legatur primus Avicenne, excepta Anothomia, et exceptis capitulis de naturis temporum anni secunde fen, et excepta tertia fen, preter ista capitula de tertia fen, que legantur, seu primum capitulum de necessitate mortis, et capitulum de egritudinibus que accidunt infantibus, et capitulum de regimine eius quod comeditur et bibitur et capitulum de regimine aque et vinj, et capitulum de sompno et vigilia. Pro secunda lectione primo legatur liber de differentijs febrium. Quo lecto, legatur secunda fen quarti, qua lecta, legatur liber de malicia complexionis diverse, quo lecto, legatur liber de simplici medicina, excepto sexto libro eiusdem. Quo lecto, legatur primus de crethicis. In tertio sequenti anno primo legatur pro prima lectione de mane liber aphorismorum, excepta septima particula. Pro secunda lectione primo legatur liber terapeutice a septimo usque ad xiij. exclusive, quo lecto, legatur de libro colige[t] primo prohemium cum secundo capitulo primi et totus secundus. Quo lecto, legatur de quinto usque ad illud capitulum in quo incipit determinare de simplicibus medicinis, quo lecto, legantur capitula ultima quinti libri, ubi determinat de neccessitate compositionis medicinarum compositarum usque ad finem quinti libri. Quo lecto, legatur de libro de virtutibus naturalibus primo usque ad vij. capitulum primi, quod incipit igitur quam quidem necessarium est habentibus simulationem. Quo lecto legatur tertjus eiusdem, quo lecto, legatur liber secundus de crethicis. In nonis pro prima lectione primo l[ega]tur liber tegni; quo lecto, legatur liber pronosticorum sine [276] commento. Quo lecto, l[ega]tur liber regiminis acutorum sine commento et excepto quarto. Quo lecto, legatur liber de viribus cordis Avicenne usque ibi: postquam locutj sumus exclusive. Pro secunda lectione, primo legatur liber de accidenti et morbo. Quo lecto legatur liber de crisi, quo lecto, legatur tertius de crethicis; quo lecto, legatur tractatus primi libri de febribus ad Glauchonem, quo lecto, legatur liber de conplexionibus. In quarto anno pro prima lectione de mane primo legatur primus Avicenne, excepta anothomia et exceptis capitulis de naturis temporum anni secunde fen, et excepta tertia fen, preter ista capitula de tertia fen, que legantur, scilicet primum capitulum de necessitate mortis, et capitulum de egritudinibus que accidunt infantibus et capitulum de regimine eius quod comeditur et bibitur, et capitulum de regimine aque et vinj, et capitulum de sompno et vigilia. Pro secunda lectione primo legatur prima fen quarti, qua lecta legantur canones secundi Avicenne. Quibus lectis, legatur liber de interioribus, excepto secundo, quo lecto, legatur sextus de regimine sanitatis. Quo lecto, legatur liber de natura Yppocratis. In nonis pro prima lectione legatur liber aphorismorum, excepta septima particula. Pro secunda lectione primo legatur liber terapeutice a septimo usque ad xiij. exclusive. Quo lecto, legatur de libro coliget, primo prohemium cum secundo capitulo primj et totus secundus. Quo lecto, legatur de quinto usque ad capitulum in quo incipit declarare de simplicibus medicinis, et postea legantur capitula ultima quinti libri, ubi determinat de necessitate compositionis medicinarum compositarum usque ad finem quinti. Quo lecto, legatur de libro de virtutibus naturalibus primo usque ad xij. capitulum primi, quod incipit: Igitur quandoque necessarium, quo lecto, legatur tertius eiusdem.

In astrologia in primo anno primo legantur algorismi de minutis et integris, quibus lectis, legatur primus geumetrie Euclidis cum commento Campani. Quo lecto, legantur tabule Alfonsi cum canonibus. Quibus lectis, legatur theorica planetarum. In secundo anno primo legatur tractatus de sphera, quo lecto, legatur secundus geumetrie Euclidis, quo lecto legantur canones super tabulis de linerijs. Quibus lectis, legatur tractatus astrolabij Mes[sa]chale. In tertio anno, primo legatur Alkabicius, quo lecto legatur Centiloquium Ptolomej cum commento haly. Quo lecto legatur tertius geumetrie, quo lecto legantur tractatus quadrantis. In quarto anno primo legatur quadripartitus totus, quo lecto, legatur liber de urina non visa. Quo lecto, legatur dictio tertia almagestj. Dictis annis completis, et completis dictis libris in dicto termino, fiat circulus, et redeatur ad lecturam primj anni postea ad lecturam secundi anni, et sic per ordinem. Pro lectura autem pratice ordinanda, infrascripto modo procedatur, videlicet quod in primo anno legatur prima fen, secunda et tertia tertij canonis Avicenne. Pro secundo anno legatur nona, decima, undecima et duodecima fen tertij canonis Avicenne. Pro tertio anno legatur tertiadecima, quartadecima, quintadecima et sextadecima fen [277] tertij Avicenne. Pro quarto anno decimaoctava, decimanona, vigesima et vigesima prima fen tertij Avicenne. Relique autem fen legantur pro secunda lectione vel extraordinarie prout Rectori cum Consciliarijs visum fuerit.