Constituimus et ordinamus, ut modus servetur et ordo in sermonibus et promovendorum licentia, quod antiquior doctor legens, illius membrj collegij in quo promovendus voluerit promoveri, debeat sermocinarj in publica sua et illi dare licentiam in publica dicte facultatis de mandato domini Archidiaconi tocius studij bon. primo, ex relactione magistrorum, 2.^a, et sic succesive, descendendo per omnes doctores usque ad minorem legentes, et salvo quod si aliquis doctor fuerit absens vel quomodolibet aliter impeditus, vel vacare non potuerit in dicto sermone, devolvatur ad subsequentem, licentia prius habita a priore, et sucesive circulariter progrediendo. Et quod quilibet magister, qui sermonizatus fuerit et licentiam dederit alicui in una facultate tantum, pro suo salario teneatur habere et habeat soldos quatraginta bon. a dicto licentiato.