Item statuimus et ordinamus et inviolabiliter servari iubemus, ut tollantur scandala et graviora pericula, que actenus sunt secuta et cotidie de novo emergere videmus, quod nulus civis, vel forensis, vel cuiuscunque alterius conditionis vel status existat, audeat vel presumat exercere, vel operari, praticam cirugie in civitate bononie, comitatu, eiusque districtu, nisi studuerit et audiverit iiij^er annis sub magistro salariato in sede cirugie, vel legente in scolis publice cirugiam in civitate bononie, vel alibi, ubi publicum vigeat studium, de quo plenam habeat informationem prior nostri colegij per priorem aut colegium civitatis famoxe in qua studuerit, et nixi fuerit examinatus et aprobatus per doctores colegij physice facultatis civitatis bononie, sub pena cuilibet contrafacienti librarum L. bon., exigenda per dominum potestatem; cuius medietas aplicetur comuni bononie et alia medietas dicto colegio. Et quilibet possit acuxare publcie et private et habeat de dicta pena libras x.