Item ad evictandas vulgarium ingratitudines, qui memorari nolunt servitiorum medicorum, ordinamus quod si quis medicorum nostri colegij medicaverit aliquem de quo [486] sibi non fuerit satisfactum, et contingat ipsum in posterum egrotare vel aliquem de domo eius de quo dictus medicus coram priore conqueri voluerit, quod nulus medicorum nostri colegij audeat tales vixitare nec illis consulere, facto sibi precepto a priore, nisi primo sibi integre fuerit satisfactum; de cuius salario, si expediat, sit prior iudex, sub pena et banno cuilibet contrafacienti x librarum bon., exigenda ut supra. Et si contingeret quod ad talem infirmum vadat alius medicus, qui non sit de nostro colegio, quod sibi debeat fieri rogamen, vel preceptum, quod non vadat, ex parte prioris et totius colegij, si expediret; quod si precibus vel precepto inhobediens fuerit, quod dictus talis magister debeat primo condempnari in x libris bon., et nichilhominus satisfacere debeat predicto medico, arbitrio ut supra. Et quod nullus medicorum nostri colegij debeat cum tali privato medicare nec ipsum pati in socium in aliqua cura, donec venerit ad mandata prioris nostri collegij, et hoc pena et banno centum soldorum bon., aplicanda nostro colegio et exigenda per massarium, ut supra.