[474] In Nomine dominj nostri yesu christi Amen. Anno Nativitatis eiusdem millesimo trecentesimo nonagessimo quarto Indictione secunda, die quintodecimo mensis maij, pontificatus dominj nostri dominj Bonifacij divina providentia pape nonj anno quinto. Congregato et coadunato venerabilj collegio doctorum scientie medicine de mandato Egregij medicine doctoris Magistri Iohanis de cazano, ad presens prioris dicti collegij, Magister Baldasar de confortis, Magister Iohanes de Muglio, Magister Francischus Aristotilis, Magister Bartolomeus de Barberijs, qui doctores una cum dicto priore representant et soliti sunt representare totum dictum collegium scientie medicine, cum sint due partes et ultra omnium doctorum in Civitate Bononie existentium, maxime cum solus Magister Paulus de buvalinis ex existentibus in Civitate Bononie tunc ex iusta causa non interfuerit dicto collegio, ipsis prefatis doctoribus, sic ut premittitur, existentibus colegialiter et ad dictum collegium congregatis in sacristia cathedralis Ecclesie Bononie, ipsi Ecclesie contigua et con[n]essa, prefatus Magister Iohanes prior de ipsorum doctorum conscilio et assensu proposuit infrascripta, videlicet quod cum [h]actenus per statuta dicti collegij fuerit statutum et proinde ordinatum, quod quilibet, qui promoveri voluerit ad examen in scientia medicine, teneatur in privato examine dare et solvere dicto collegio medicorum pro salario doctorum eiusdem collegij libras novem bon. et in eius publica libras sex bon., cumque per eadem statuta fuerit ordinatum et statutum, quod pro honore rectoris scolarium universitatis medicorum et recumpensatione expensarum eiusdem de ceptero quicunque fuerit Rector dicte universitatis, volens promoverj in scientia medicine, in nullo teneatur salario doctoribus collegij medicorum in eius publica et privata, non obstante constitutione posita sub Rubrica quid et quantum solvere debeat scolaris in publica et privata etc., salvo quod pro expensis factis et fiendis in dicto collegio, volumus ipsos teneri debere solvere duchatos duos auri collegio medicorum, dispensandos inter doctores eiusdem collegij in privata dictorum rectorum. Cumque tempore, quo condita fuerunt dicta statuta, pauci reciperent insignia doctoratus, ym[m]o quasi nulli, et postea invaluerit consuetudo quod quasi omnes volunt dicta insignia recipere, propter quod doctores multum gravantur in stando in sancto Petro, cumque propter predicta cum magna concordia fuerit deliberatum, constitutum et santitum inter doctores dicti collegij jamdiu, quod quilibet cuiuscunque gradus, status preeminentie, dignitatis vel conditionis existat, et perveniens ad gradum doctoratus, seu Magisterij, in facultate prefata et volens insignia solita in dicta facultate sibi exiberj et ipsa habere, teneatur solvere doctoribus dicti collegij pro huiusmodi insignorum receptione libras sex bon., ultra illas sex, quas pro publica solvere debet; de qua deliberatione, constitutione et provisione, licet facta fuerit scriptura, tamen ex defectu notariorum dicti collegij, qui pro tempore fuerunt, dicta provisio, seu constitutio, non reperitur, cumque etiam non nulli revocent in dubium an huiusmodi solutio fieri debeat per ipsos scolares, an non, et maxime per Rectores super eos, qui Rectores fuerint scolarium universitatis, maxime obstante statuto de quo supra facta est mentio, et ipsi priori videat[ur] quod huiusmodi solutio per [475] eosdem scolares, etiam si fuissent Rectores, vel atualiter essent, fieri debeat per labores et tedia quos substinent doctores tempore quo dicta insignia prestantur, et propter perditionem temporis et comodum infirmorum, et hoc sit utile declarare et super hoc statutum condere et etiam ordinare; idcirco jdem prior petit per vos doctores super hoc quid fiendum sit utile conscilium exiberj, qua propositione facta et multis consulentibus, quod fiat scriptura seu constitutio de hoc cum aliter fuerit facta eodemque priore cume dictis doctoribus et ipsi doctores una cum dicto priore super premissis ad invicem conferentibus et tractantibus per ipsumque priorem prefatum huiusmodi statuto faciendo vel non faciendo, posito partito ut hi, quibus placeret quod fieret statutum et constitutio hoc declarans, statuens atque firmans in forma infrascripta, ponerent fabas albas, hi vero, quibus displiceret, ponerent fabas nigras; demum per notarium infrascriptum ipsi[s] fabis datis dictis doctoribus et postea ab eis receptis, omnes reddiderunt et posuerunt fabas albas Raynaldo notario juxta morem solitum, et sic obtentum et firmatum fuit quod statutum et constjtutio debeat fieri in forma infrascripta et ad perpetuam rei memoriam in volumine constitutionum et statutorum dicti collegij reddigi et describi. Et sic simul congregati dicti doctores, ut supra, dictus prior de volumptate dictorum doctorum, et dicti doctores de volumptate et consensu dicti prioris omnes unanimj consensu, eorum nemine discrepante, statuerunt et etiam provida deliberatione providerunt, firmaverunt atque constitutionem fecerunt, quod quilibet scolaris, sive civis, sive forensis, et quilibet alius cuiuscunque gradus, status preeminentie, dignitatis et conditionis existat, etiam si universitatis scolarium predicte facultatis Rector fuerit, vel si perveniens ad gradum doctoratus, sive magisterij, in facultate medicine, predicta volens insignia solita magistratus in ipsa facultate sibi exiberj et ea recipere et habere, teneatur solvere doctoribus dicti collegij pro huiusmodi jnsigniorum receptione libra sex bon. ultra quantitates, quas allias solvere tenentur dicti doctorandj in publica et privata, dispensandas inter doctores collegij memorati, juxta morem [h]actenus observatum; pro quibus solvendis antequam doctores invitentur, teneantur facere depositum penes notarium dicti collegij; et nisi depositum factum fuerit, non possit prior facere invitari doctores. Et nullus doctor conventui, seu publice, talis qui depositum non fecerit, jnteresse possit, sub pena vigintiquinque librarum Bonon. priori et librarum quindecim Bon. cuilibet alteri doctorj, et Bidello collegij aliter invitantj, librarum decem Bon., quas quilibet, qui in dictam penam in[c]iderit solvere teneatur, infra decem dies postquam in dictam penam jnciderit, sub pena privationis a dicto collegio; ad quod reassumj vel admitti non possit nisi solverit duplum dicte pene et de commisso dicto collegio veniam pecierit. Et sic statutum, constitutum et firmatum et provisum fuit, ut supra, per omnes doctores dicti collegij, congregatos, ut supra, de quibus omnibus rogaverunt dicti prior et doctores notarium infrascriptum ut de predictis omnibus publicum conficiat jnstrumentum.

Acta fuerunt predicta bononie in sacristia predicta presentibus presbiteris Nicolao Bertolomei mansionario, et Francischo Landj capellano in Ecclesia Bononie predicta, ac Georgio Antonj de Sancto Angelo in Vado, clerico sacristie predicte, testibus ad predicta vocatis et rogatis.