Insuper statuimus et ordinamus ut in examinibus cirugicorum modus limitetur et ordo, quod ille qui examinarj debet in cirurgia primo recipiat ponta de mane a priore et [443] doctoribus phisice facultatis tantum pro prima lectione super tercia parte fen quarti canonis Avicenne, et pro secunda lectione super prima parte cirugie Brunj, et quod in vesperis decretorum veniat ad examen; in quo examine intersint omnes doctores nostri collegij. Et primo debeat legere bene et puntate textum unius bone lectionis, postea dividere, verificare et sententiare dictum testum. Et similiter de 2. Lectione, et quod quilibet doctor teneatur arguere uno argumento tantum et unica replicatione in prima lectione. Super 2. vero lectione eodem modo fiat.