In Christi nomine amen. Anno nativitatis eiusdem mil[l]esimo trecentesimo septuagesimo octavo, jndictione prima, die quinto mensis Julij, pontificatus domini Urbanj pape sesti, anno primo. Venerabiles et circumspecti legum doctores, dominus Antonius de presbiteris, santus de daynissijs, Nicolaus de zapolino et Andreas de bobus, ac providi et discreti viri Andreas de Usbertis, Johannes de Bargelinis, Franciscus de calamatijs et Jacobus de Salamonibus, notarij et procuratores, omnes honorabiles cives civitatis bononie, statutarij et de numero statutariorum comunis et populi Civitatis bon., absente tamen egregio legum doctore domino francisco de ramponibus, ipsorum collega et socio, specialiter electi, adsumpti et deputatj ad videndum, corrigendum, examinandum et de novo conpillandum, condendum et ordinandum statuta comunis et populi prelibate civitatis bononie, ac etiam auctoritatem habentes videndj, examinandj, corrigendj in melius reformandi et etiam approbandj omnia et singula statuta constitutiones et ordinamenta cuiuscumque col[l]egij doctorum tam Juris civilis et canonicj quam scientie Medicine et artium studij civitatis bononie, quam etiam universitatum scolarium cuiuscumque facultatis et scientie studij prelibatj, ac etiam super visione, correctione et approbatione statutorum quarumlibet societatum Artium civitatis predicte a Magnificis dominis dominis Ancianis, consulibus et vexilifero Justitie comunis et populi bononie mensis aprelis Mileximi trecentesimi septuagesimi sexti, ad predicta et alia facienda auctoritatem habentibus a generali conscilio comunis et populi predicti, ut de predictis constare dixerunt publica scriptura inde confecta, scripta manu Blasij condam nicolai de mezavachis, notarij et tunc notarius dictorum dominorum Ancianorum, visis ac diligenter inspectis et examinatis suprascriptis statutis et ordinamentis, seu constitutionibus venerandj col[l]egij doctorum scientie [447] medicine Civitatis bononie, scriptis et publicatis manu Egidij condam ser Francisci de planorio, civis bon., publica, Imperiali et comunis bon. ac curie episcopalis bononiensis auctoritate notarij, et tunc notarius dicti collegij, in undecim proxime precedentibus cartis et quatuor lineis cum dimidia in presenti latere, ante presentem approbationem in presenti volumine inclusis et ligatis, sine aliqua interlineatur, additione seu rasura, que aliquam reddat suspitionem, vigore eorum arbitrij, auctoritatis et baylie, eis in hac parte concessi et atributj, ipsa statuta, ordinamenta et constitutiones approbaverunt et pro approbatis ab omnibus haberi voluerunt et mandaverunt, et tamquam statuta, ordinamenta et constitutiones col[l]egij doctorum scientie medicine ab omnibus haberi voluerunt et mandaverunt pariter et observarj, dummodo in aliquo non contradicant alicui statuto dicti comunis et populi bononie, et edita non reperiantur contra presentis felicis libertatis statum, vel in aliquo non sint contra officium dominorum potestatis vel capitanei comunis et populi bononie vel cuiuscumque alterius officialis forensis dicte civitatis bononie, vel in aliquo eorum officijs derogare non videantur; salvis semper omnibus et singulis statutis, contentis in statuto comunis et populi civitatis bononie, posito sub Rubrica de Jurisdictione et arbitrio officialium et societatum populi bononie et statutis ipsarum societatum legitime approbatis. Mandantes predicti domini statutarij michi notario infrascripto ut de predictis unum et plura conficiam Jnstrumenta.

Actum Bononie in capella sancte Juste, in domibus comunis et populi bon., que appellantur domus Massarie comunis, presentibus Federico condam Francisci de Statutis, Zappino condam robacontis de Zapolino, nicolao condam nanis de Savignano, et Jacobo Plevalis notario, testibus ad predicta adhibitis, vocatis et rogatis.

Ego Albericus condam Henrigipti de Lambertinis, publicus Imperiali et comunis bononie auctoritate notarius, et nunc notarius et scriba specialiter deputatus ad ordinandum et scribendum et scribi et compilarj faciendum statuta noviter compilata comunis et populi predicti, predictam approbationem de mandato dictorum dominorum statutariorum publice scripsi predictisque, dum sic agerentur, interfuj et signum meum consuetum apposui, scripsi, subscripsi.

In christi nomine amen, eiusdem nativitatis anno mil[l]esimo trecentesimo septuagesimo octavo, indictione prima, die ultimo mensis Junij, Pontificatus dominj Urbani pape VI anno primo, egregius medicine doctor magister Petrus de varignana prior collegij doctorum s[c]ientie Medicine civitatis bononie, existens Bononie in domo sue habitationis posite Bononie in capella sancte Marie maioris, commisit, jmposuit et mandavit Nicholao condam Bertolomei Lombardj, Bidello collegij doctorum scientie medicine antedicte, licet absentj, quatenus ex sui parte vadat, citet et requirat omnes et singulos infrascriptos doctores collegij s[c]ientie medicine civitatis Bononie, quorum nomina inferius per ordinem describuntur, eisque mandet et precipiat quod hodie in XX. hora coram eto personaliter comparere debeant in Ecclesia Cathedralj Bon., ad jurandum statuta nova doctorum collegij s[c]ientie medicine antedicte noviter facta, nec non ad ipsa publicandum, approbandum, ratificandum et omologandum, et jnsuper ad creandum priorem novum s[c]ientie medicine antedicte ut moris est. Aliter, dicto termino elapso, idem dominus prior, una cum doctoribus comparentibus ad jurandum, publicandum, approbandum, ratificandum et [448] omoogandum statuta predicta, nec non ad creationem prioris novj in s[c]ientia medicine antedicta, procedet, ut moris est, ipsorum, seu alicuius eorum contumatia non obstante, ipsisque minime citatis, monitis vel ulterius requisitis. Nomina vero doctorum s[c]ientie medicine antedicte, de quibus supra fit mentio, sunt hec, videlicet:

Magister Petrus aristotillis.                        Magister Johannes de chazano.

Magister Martinus de erris.                        Magister Guidoctus de henrigiptis.

Magister Guido de preuntis.                       Magister Johanes de muglo.

Magister Baldesera de confortis.               Magister Bertolomeus de castro Sancti petrj.

Magister Johannes de barberijs.               Magister Franciscus de cultris.

Magister Paulus de buvalinis.                    Magister Francischus aristotilis.

Magister Cristofarus de honestis.

Magister Matheus de varignana.

Die prefata, post vigesimam horam, retulit prefatus Nicholaus Bidellus prefato magistro Petro priorj, existentj in Ecclesia Cathedralj Bon. antedicta, et mihi notario infrascripto, se hodie de mandato personaliter citasse omnes et singulos suprascriptos doctores, de quibus supra fit mentio, excepto magistro Petro aristotillis, quem retulit citasse ad domum eius habitationis pro hodie ista hora, et eis et cuilibet eorum dixisse et mandasse omnia, que supra habuit in mandatis.

In Christi nomine amen. Eiusdem nativitatis anno Millesimo trecentesimo septuagesimo octavo, indictione prima, die ultima mensis Junij, Pontificatus dominj Urbanj pape VJ anno primo. Convocatis et congregatis ad honorabile collegium doctorum s[c]ientie medicine civitatis Bonon. dominis doctoribus ipsius collegij doctorum s[c]ientie medicine dicte Civitatis Bononie in confessio[ne] cathedralis Ecclesie Bononie iuxta altare sanctorum vitalis et agricole, ad convocationem et requisitionem Nicholay condam Bertolomei Lombardj, Bidelli dicti collegij, qui omnes et singulos doctores dicti collegij convocavit pro presente die et hora de mandato sapientis virj magistrj Petrj de Varignana, honorabilis prioris dicti collegij; in qua congregatione interfuerunt ultra quam due partes doctorum et magistrorum dicti collegij reppresentantium, et quj sunt solitj representare, totum [449] dictum collegium, quorum doctorum qui interfuerunt nomina sunt hec, videlicet ipse magister Petrus prior, Magister Martinus de erris, magister Baldassara de confortis, magister Johannes de Barberijs, magister Matheus de Varignana, Magister christofarus de honestis, magister Johannes de chazano, magister Guidoctus de Henrigiptis, magister Joannes de muglo et magister Franciscus de cultris. Ipsi omnes sic collegialiter congregatj, una cum dicto domino priore, et ipse dominus prior una cum dictis doctoribus colegialiter congregatis, vixis et dilligenter examinatis suprascriptis constitutionibus dicti collegij de voluntate et consensu omnium doctorum dicti collegij noviter factis, editis et compilatis, scriptis manu mei Egidij condam ser Francisci de Planorio publici imperialj et comunis Bononie ac Curie episcopalis Bon. auctoritate notarij, et nunc notarij dicti collegij, predictas constitutiones et omnia et singula in eis et qualibet ipsarum parte contenta, approbaverunt et publicaverunt, easque et contenta in eis unanimiter et concorditer et collegialiter, nemine discrepante, publicaverunt, approbaverunt, ratificaverunt, et rati habitione omologaverunt et confirmaverunt, et pro validis, publicatis, approbatis et ratificatis haberi per quemlibet et censeri voluerunt et mandaverunt, volentes et mandantes eas et omnia et singula in eis contenta, et prout in eis scriptum et ordinatum est, perpetuo et inviolabiliter observarj. Et etiam juraverunt ipsi omnes et singulj simul et collegialiter congregatj corporaliter ad sancta dei evangelia, manu tactis scripturis, omnes et singulas dictas constitutiones, et omnia et singula in eis et qualibet earum parte contenta, servare et servarj debere. Mandantes etiam mihi notario infrascripto quod de predictis publicum conficiam instrumentum unum et plura et quod predicta in publicam formam redigam.

Actum Bononie in confessio[ne] cathedralis Ecclesie Bon. iuxta altare sanctorum vitalis et agricole, presentibus presbitero Johanne de Petra, diocesis…………, capelano dicte cathedralis Ecclesie Bononie, ad altare sancti …………, Johanne condam Nicholay de Bagno notario et dalfino condam ………… de Aticonis notario, testibus omnibus ad predicta vocatis et rogatis.

(L + S) Ego Egidius condam ser Francisci de Planorio civis Bon., publicus Imperialj et comunis Bon. ac curie Episcopalis Bon. auctoritate notarius, et nunc notarius dicti collegij, de mandato omnium dictorum doctorum et Magistrorum qui, ut supra, predictis interfuerunt, predicta publice scripsi, subscripsi.

Eisdem millesimo, pontificatu, mense, die, loco et testibus suprascriptis, suprascripti omnes et singuli doctores et magistri, ut supra congregatij, ad Brevia, secundum statuta suprascripta, ellegerunt Egregium medicine doctorem magistrum Martinum de Lers in priorem collegij antedicti in s[c]ientia medicine antedicta pro tribus mensibus proxime futuris.

(L + S) [450] Ego idem Egidius notarius suprascriptus predictis omnibus presens fuj, eaque, mandato quo supra, publicavi, publice scripsi, subscripsi.

M.CCC.LXXXXVJ, die XXVIIIJ octobris. Consignata fuerunt michi Jacobo de blanchittis dicta statuta, ad camaram actorum comunis bononie retinenda per dominos Antianos populi et comunis bononie.