Statuimus et ordinamus quod nullus doctor nostrj collegij possit vel debeat associare aliquem scolarem civem vel forensem ad privatum examen in medicina nec ad puncta, in eundo et redeundo a dicto examine, nixi esset doctor vel doctores presentans vel presentantes, nixi presentatus sit rector universitatis s[c]ientie medicine, et nixi scolaris predictus foret filius vel frater alicuius doctoris nostri collegij, quibus casibus possint tunc doctores accedere ad dictum examen predicti scolaris, vel nixi natus esset de domo vel progenie, ex aliquo de domo vel progenie, alicuius doctoris nostrj collegij, quo casu ille doctor seu doctores de ea progenie possit vel possint sociare predictum scolarem; et quod magistri petant licentiam a domino priore si volunt associare eum, sub pena XX. soldorum bon., [440] nixi in casibus predictis, cum hoc sit contra honorem collegij et dampnosum scolarj propter expensas, quas opporteret facere occaxione predicta.