Item quod bidelus nostri colegij non audeat convitare aliquem doctorem de dicto colegio ad publicam vel privatam alicuius promovendi in aliqua facultate, nixi prior vel Masarius nostri colegij prius habuerit pecuniam vel salarium magistrorum pro privata vel publica. Item quod bidelus in convocatione doctorum ad publicam teneatur descendere de equo, et facere descendere de equo scolarem vel scolares publicandos et eum vel eos conducere ad locum in quo fuerit doctor, quem convocat, sub pena pro qualibet vice soldorum v., et quilibet possit ipsum acuxare.