Ob rem publicam et ut unicuique proficiat labor suus, iuxta vivacem Casiodori sententiam, et ut melius studium vigeat et scolares animentur ad dictum studium et profectum, et ut ceteri ad scientiam et doctrinam promptius et perfectius disponantur, et ut etiam scandala tolantur, que a[c]tenus sunt secuta ex impericia cirugicorum, ideoque cum nutriant premiorum exempla virtutes, prior et colegium physicorum, mature deliberans, providum et discretum virum atque fidedignum magistrum talem, condam talis de talibus, de tali loco, aprobatum in pratica cirugie quo ad omnem sui partem, in matricula cirugicorum costituunt perfectorum, licentiam, arbitrium et potestatem tribuentes eidem, ut hic et ubique locorum artem cirugie valeat exercere. Ad quorum omnium evidentiam clariorem privilegium presens scribi et publicari mandarunt per bernardum condam guilielmlj de lamola infrascriptum notarium.