Insuper statuimus et ordinamus ut in examinibus cirugicorum modus limitetur et ordo, quod ille, qui examinari debet in cirugia, primo recipiat ponta de mane a priore et doctoribus colegij physice facultatis tantum, et pro secunda lectione super prima parte ciruxie Brunj, a[c] super tercia parte [quarti] canonis avicenne; et quod in vesperis decretorum veniat ad examen, in quo examine intersint omnes doctores nostri colegij. Et primo debeat legere bene et ponctate testum unius bone lectionis, postea dividere, versificare et sentenciare dictum testum. Et similiter de 2.^a lectione; et quod quilibet doctor teneatur arguere uno argumento tantum et unica replicatione in prima lectione. Supra 2.^a  vero lectione eodem modo fiat.