[490] Item quod quilibet scolaris promovendus in aliqua facultate teneatur dare et solvere doctori suo vj. libras bon., et si duos doctores acceperit, xij., videlicet vj. pro quolibet; si vero plures acceperit servetur forma supradicti statuti. Et si promoveri voluerit in duabus scientijs aut pluribus, teneatur cuilibet de duobus dare libras xij. bon. Si vero plures acceperit duobus, teneatur dare vestes omnibus illis, ut supra.