Ordinamus etiam quod nullus scolaris promovendus possit promoveri in aliqua facultate, nisi sub duobus doctoribus ad plus propter illis evictare espensas, salvo quod si fuerit honorabilis persona qui voluerit plures habere doctores, quod tunc, et eo casu, teneatur dare vestes pro induto, guarnachia, mantelo et caputeo operati et boni panni omnibus illis doctoribus, si acceperit doctores ultra numerum pretassatum; et de hoc teneatur satisdare priori nostri collegij, et aliter non admictatur. Et quod nullus doctor audeat interesse sue promoctioni, nec prior colegium convocare, sub pena priori x. librarum bon., et cuilibet magistrorum v. librarum bon.