Item etiam, ut honor totius studij bononie physice facultatis et civitatis eiusdem conservetur et maneat in dicta civitate et studio, statuimus et ordinamus quod de cetero nulus, nisi bononiensis doctor, possit admitti quomodolibet ad colegium, seu ad membrum colegij doctorum physice facultatis, nec aliquod officium habere in dicto colegio, nec aliquem prexentare scolarem promovendum, nec admitti ad aliquod scrutinium sive partitum in nostro colegio fiendum, nec eligi ad aliquam sedem ordinariam de mane salariatam vel non salariatam, sub pena cuilibet contrafacienti centum librarum bon., exigenda per dictum potestatem, vel eius vicarium, cuius medietas aplicetur comuni bononie et alia medietas nostro colegio.