Ad honorem et gloriam onipotentis dei et gloriorissime virginis marie matris eius, tociusque curie supernorum, nec non ad honorem et laudem beatissimj et sanctissimj luce evangeliste, et sanctorum cosme et damianj, s[t]atuimus et ordinamus quod omnj anno in principio nostrj studij, sermone celebrato, teneantur et debeant festum facere cum tubis et timpanis et calamella nostrj collegij ac universitatis eiusdem singuli et omnes doctores utriusque membrj collegij, medicorum videlicet et artistarum; et qui in matriculla fuerint perfectorum cirugicorum, omnesque scolares de universitate dictarum facultatum in Ecclesia beati Luce, que est in porta de castello, aut in Ecclesia sanctorum Cosme et Damianj, que est dal ponte dal fero, aut in aliqua alia Ecclesia in qua fuerit altare alicuius dictorum sanctorum. Et quilibet doctor utriusque membrj collegij solvere teneatur soldos tres bon; et quilibet, qui de matriculla fuerit perfectorum cirugicorum, solvere teneatur soldos duos bon. Et omnes et singullj scolares, qui de universitate vel matriculla fuerint scolarium dictarum facultatum, solvere teneantur soldum unum bon.; et cum doplerijs et candeloctis seriose et ordinate vadant ad dictum festum, servato semper ordine preposterioritatis inter omnes. Et quod Rector universitatis scolarium antecedat et priores utriusque collegij sequantur, ipsum tenentes in medio in eundo et redeundo ad dictum festum; qui tamne rector et priores precipere faciant per Bidellos suos omnibus et singulis doctoribus cirugicis et scolaribus supradictis per unam diem antea, quod [446] solvere debeant Massario collegij phisicorum predictas pecunie quantitates, qui pro doplerijs et candeloctis vel alijs oblationibus fiendis supradictis Ecclesijs dictam pecuniam debeant dispensare, sub pena cuilibet contrafacientj soldorum decem Bon. nixi solverit, nulla acceptata excusatione vel defensa. Item statuimus quod quilibet magistrorum nostri presentis collegij phisice facultatis, qui dignitates non habuerit in conventu ad inefabilem medicine s[c]ientiam extolendam, jllas possit assumere publice vel private dumtaxat solverit cuilibet doctori prefatj collegij soldos quatuor bon., et domino Archidiachono ac nostro priorj cuilibet unum biretum, cirotecas et annullum precij saltem XX. soldorum bon. Adiungentes et imminentes quod quicumque doctor prefati collegij, qui dignitates non assumpserit vel habuerit, immunis erit a sallario supradicto, sed inter habentes dignitates predictas tantum dictum sallarium partietur.