[435] Cum insurgat neces[s]itas propter peragenda negotia dicti collegij, notarium specialem ac specialem bidellum habere, qui offitia limitata habeant et habere debeant, et cum omnis labor optet premium, hac nostra constitutione providemus, ordinamus, quod in quacumque ellectione fienda de notario et bidello collegij antedicti hic modus et forma debeat observarj, videlicet quod dictus prior collegij, qui pro tempore fuerit, post mortem vel capsationem presentis notarij vel bidellj, vel alterius notarij vel bidelli, qui pro tempore fuerit, infra terciam diem debeat notifficare, et intimare doctoribus dicti collegij, et in dicto collegio, qualiter necessarium et opportunum est procedere ad electionem notarij novj seu bidelli, secundum quod casus acciderit, et quod quilibet doctor, qui sciret vel cognosceret aliquem ydoneum et sufficientem ad dictum officium vacans exercendum, debeat nomen, prenomen et cognomen in scriptis dare dicto domino priorj, dum tamen talis sit homo bone vite, condictionis et fame et civis civitatis bononie, origine propria et paterna, maior XXV annis, bonus, sufficiens et ydoneus notarius et in societate notariorum Civitatis bononie descriptus ante per quinque annos, et qui artem notariatus Bononie et legaliter publice exercuerit et exerceat. Et bidellus sit civis civitatis Bon. ratione originis proprie, et homo bone conversationis, vite et fame et maior XXV annjs, sub pena cuilibet doctori danti nomen alicuius contra formam predictam, XX soldorum bon., a qua pena, ratione ignorantie, aliquo modo se non valeat excusare, retinenda per priorem collegij antedictj, qui pro tempore fuerit, et dividenda inter doctores dicti collegij principaliter incorporatos, ut supra. Qui prior infra octo dies post dictam notificationem teneatur et debeat, sub pena quinque librarum bon., retinendam per subsequentem priorem, vel eius vices gerentem et dividendam inter dictos doctores, facere congregarj collegium antedictum. Et in dicta congregatione publicare omnja nomina sibi data in scriptis per dictos doctores vel eorum alterum; et proponere quis eorum videtur dicto collegio et doctoribus ipsius sufficientior et ydonior ad dictum officium vacans exercendum. Et ille qui plures voces habuerit secundum quod, sit et esse intel[l]igatur dicti collegij officialis et ad dictum officium de quo agitur exercendum. Et ellectio que reperiatur facta contra vel preter formam predictam, et de persona que non sit condictionis et qualitatum predictarum, ipso jure sit nulla; ac etiam comoditatem aliquam vel benefitium percipere non valeat neque possit. Notarij et bidelli electi secundum formam predictam ac etiam notarius et bidellus, qui nunc est, teneatur jurare in manibus dominj prioris, qui pro tempore fuerit, ad omnem requisitionem dominj prioris predicti, eorum officia bene, diligenter et soliciter sine aliqua fraude vel mallicia exercere et administrare, et parere et obedire eidem domino priori et doctoribus collegij antedicti in hiis que spectant ad eorum officia in omnibus licitis et honestis. Officia vero dictorum notarij et bidellj volumus esse in hac forma, videlicet quod notarius dicti collegij, qui nunc est vel pro tempore fuerit, teneatur et debeat scribere et in publica forma redigere in cartis pecudinjs vel edinjs omnes presentes constitutiones et de hijs facere duas copias, quarum copiarum una claudetur et sigilletur sigillo collegij doctorum predictorum, et deponatur ad perpetuam rei memoriam in sacristia et penes sacristam fratrum minorum de bononia; alia vero remaneat et remanere debeat penes notarium dicti collegij, vel penes priorem collegij, qui pro tempore fuerit, et continue ad requisitionem prioris, qui pro tempore fuerit, ad congregationes fiendas per priorem, qui pro tempore [436] fuerit, una cum doctoribus dicti collegij interesse. Et scribat in libro suo, quem penes se debeat retinere, omnia et singula actitanda et fienda per dictum dominum priorem et doctores ipsius collegij ad dictum collegium spectantia et pertinentia, et loca congregationis, annum, mensem et diem et fabas albas et nigras dare predictis doctoribus quando partita ponuntur per dictum priorem; et habere unum busolum in quo debeant stare et ponj fabe, que dantur per prelibatos doctores. Quem busolum debeat habere et tenere in manibus antiquioris doctoris dicti collegij separatus a doctoribus collegij antedicti. Et postquam fabe fuerint con[n]umerate per priorem collegij antedicti vel eius vices gerentem scribere numerum dictarum fabarum et quid obtentum fuerit, et in dicto libro scribere et redigere omnia que fient. Et etiam scribere omnes electiones priorum dicti collegij et offitialium ipsius, a[c] omnes et singulos actus congregationjs et congregationum, factos et fiendos et gestos et gerendos per dictum priorem et collegium, scribere in dicto libro prout processerit de voluntate dicti dominj prioris; et generaliter omnia et singula facere et exercere que videbuntur utilia vel necessaria et opportuna fieri pro collegio prelibato et doctoribus ipsius, iuxta ipsius notarij possibilitatem. Bidellus vero predictus eodem modo et forma teneatur et debeat ad requisitionem prioris, qui pro tempore fuerit, collegium dictorum doctorum et doctores ipsius collegij requirere ad congregationes fiendas et ibidem interesse continue in horis sibi impositis et iniunctis, et iniungendum et imponendum per dictum priorem, et ad omnem locum accedere una cum dicto priore et collegio doctorum ipsius quotiens fuerit necessarium et opportunum et ad omnem alium locum pro libito voluntatis dictj dominj prioris et collegij doctorum predictorum; et generaliter omnia et singula facere, dicere et exercere et adimplere, ac cum effectu  mandare, que fuerint sibi iniuncta, ut supra. Et condempnarj possit vel possint notarius et bidellus et quilibet eorum per priorem, qui pro tempore fuerit, incontinenti post quinque dies, videlicet, notarius usque ad quantitatem soldorum V. bon. nixi aliqua iuxta et rationabili causa intervenerit, que debeat probarj vel improbarj per dominum priorem una cum duobus doctoribus dicti collegij, quos ellegerit dictus dominus prior qui pro tempore fuerit, et bidellus in soldis tribus bon., nixi iusta causa interveniret, applicanda ut supra. Sallaria autem sua debeant esse tanta, in hac forma, videlicet, quod notarius dicti collegij, qui nunc est vel pro tempore fuerit, habeat et habere debeat a quolibet scolare cive vel forensi, cuiuscumque status et condictionis existat, transire volentj ad privatum examen in Medicina, soldos decem Bon., et in publica soldos viginti bon. Et dictus Bidellus teneatur scopare banchas doctorum et habeat, et habere debeat a quocumque scolare tam cive quam forense, volente transire, ut supra, sicut notarius, soldos decem bon. In publica vero debeat unusquisque eorum pro publica soldos vigintj bon. habere. Et quod nullus doctor dicti collegij aliquem ex predictis debeat presentare ad aliquam publicam, vel privatum examen, nec aliqua insignia doctoratus dare, nisi prius satisfecerit notario et bidello, prout superius est scriptum, sub pena cuilibet doctorj venienti contra predicta vel aliquod predictorum quinque librarum bon., applicandarum collegio antedicto et dividendarum, ut supra. Et quod aliquis ex doctoribus dicti collegij non debeat interesse examinationi ipsius conventuandj sub pena quadraginta soldorum bon., applicandorum et dividendorum, ut supra, nixi prius satisfactum fuerit dictis notario et bidello, ut superius scriptum est. Et hoc pro honore dicti collegij et conventuandi.