Constituimus et ordinamus quod quilibet doctor collegij nostri antedicti presentans scolarem subiciendum examinj alicui privato, teneatur et debeat curare et facere cum effectu, omni exceptione remota, quod scolaris per eum presentandus presentet, finito examine, priori collegij, qui pro tempore fuerit, ensenium vinj et confectionum, videlicet duas inghistarias vinj de malvaxia et duas alterius boni vinj albi et quatuor libras confectorum bonorum, et decens et simille presentarj doctori presentantj, et tempore quo eisdem presentabuntur, et in publica unum anullum priori valloris XX. solidorum bon. et birectum et cirotecas valoris X. solidorum bon., precipientes etiam quod similem exenium fiat, s[c]ilicet de confectionibus et vito in privata, et de anullo et cirotecis in publica doctori, seu doctoribus sub quo vel quibus fuerit promotus. Et si dicto priori dictum exenium non fuerit sibi presentatum, ut supra dictum est, quilibet doctor presentans teneatur exenium sibi presentatum domino priori transmit[t]ere vel similem infra duos dies post examinationem scolaris, et nihilominus incidat penam centum soldorum bon. Mandantes quod contra predicta vel aliquod predictorum in presenti constitutione descriptorum, perpetuo dispensari non possit, sub pena periurij, et nichilominus, si contrarium fieret, ipso jure sit nullum.