Constituimus et ordinamus ut modus servetur et ordo in sermonibus et promovendorum licentia, quod antiquior doctor illius membri collegij in quo promovendus voluerit promoverj, teneatur et debeat sermonizari in publica sua et illi [dare licentiam in publica dicte facultatis de mandato domini. Archidiaconi tocius] studij Bononie, primo ex relatione Magistrorum, secundo, et sic sucessive, discendendo per omnes doctores usque ad minorem. Salvo quod si aliquis doctor fuerit absens, vel quomodolibet aliter jmpeditus, vel vacare non potuerit in dicto sermone, devolvatur ad subsequentem, licentia tamen prius habita a priore, et sic sucessive circulariter progrediendo. Et quod quilibet Magister, qui sermonizatus fuerit [et] licentiam dederit alicuj in una facultate tantum, pro suo salario teneatur habere et habeat unum ducatum aurj a dicto licentiato.