Constituimus et ordinamus etiam quod pro honore studij Bonon. et pro utilitate scolarium in medicina studentium et ad utile et ad bonum publicum, quod nullus doctor physice facultatis, civis vel forensis, audeat vel presumat legere praticam medicine, nisi fuerit doctoratus in Civitate Bononie, vel alibi in famosissimo studio, et legerit et praticaverit in dicta scientia per spatium trium annorum ad minus postquam doctoratus fuerit, de quo plenam faciat fidem nostro collegio. Item quod nullus possit, audeat, vel presumat, de quo plenam faciat fidem nostro collegio. Item quod nullus possit, audeat, vel presumat legere in scientia medicine Bononie, tam in physica quam in cirusia, nisi fuerit doctoratus in eadem scientia medicine, videlicet in physica, sub pena quinquaginta librarum bon., applicanda pro tercia parte domino potestati et pro tercia parte sancto Petronio, et pro tercia collegio nostro. Adhicientes etiam quod nullus, cuiuscunque conditionis existat, audeat vel presumat preponj vel facere se preponj, ad aliquam lecturam, nisi primo fuerit doctoratus, sub eadem pena, exigenda per dominum potestatem vel priorem collegij nostri, applicanda modo predicto. Et ipsa ellectio ipso facto sit nulla. Et si Rector atemptaverit contra hanc nostram constitutionem, ipso facto privetur omnj comodo eidem per nostras constitutiones concesso.