Ob rem publicam et [ut] unicuique proficiat labor suus, iuxta vivacem Casiodorj sententiam, et ut melius studium vigeat et scolares animentur ad dictum studium et profectum, et ut omnes ad scientiam et doctrinam proncius et perfectius disponantur, et ut etiam scandala tollantur, que actenus sunt secuta ex impericia cirusicorum, ideoque cum nutriant premiorum exempla virtutes, prior et collegium physicorum, mature deliberans, providum et discretum virum atque fide dignum ……. Magistrum ……. quondam ……, de [471] talibus, vel de tali loco, aprobatum in pratica cirusie, quo ad omnem suj partem, in matricula cirusicorum constituit perfectorum, licentiam, arbitrium et potestatem tribuentes eidem, ut hic et ubique locorum artem cirusie valeat exercere; ad quorum omnium evidentiam clariorem presens privilegium scribi mandaverunt per …… notarium medicorum dicti collegij, et sigilli dicti collegij Bononiensis appositione munirj.