Insuper statuimus et ordinamus, ut in examinibus cirusicorum modus limitetur et ordo, quod ille, qui examinarj debet in cirusia, primo recipiat punta de mane a priore et doctoribus physice facultatis tantum pro prima lectione super tercia parte fen quarti canonis Avicenne, et pro secunda lectione super prima parte cirusie Bruni. Et quod in vesperis decretorum veniat ad examen; in quo examine intersint omnes doctores nostrj collegij; et primo debeat legere bene et puntare testum unius bone lectionis, postea dividere, versificare, sentenciare dictum testum, et similiter de secunda lectione. Et quod quilibet doctor, vel maior pars eorum, teneatur arguere uno argumento tantum et unica replicatione in prima lectione; super secunda lectione vero eodem modo fiat. Et dicta examina fiant in sancto Salvatore, ut consuetum est, et non in Ecclesia cathedralj propter multa scandala evitanda.