Quia propter jmportunitatem petentium multa inconvenientia alliquando conceduntur et consequuntur, que non concederentur et sic, unde debet jus oriri, oppositum aliquando consequitur, presenti morbo obviare volentes, hac constitutione decrevimus et firmamus quod quocienscunque contingerit de ceptero aliquam fieri postam in collegio antedicto super quacunque re vel facto, que non fuerit admissa, amplius non possit proponi per ipsum priorem, nec super ea aut contentis in ea consuli aut arengari tempore sui prioratus, vel per allium quemcumque subrogatum vel subrogandum loco ipsius prioris, [sub pena] contrafacienti vigintiquinque librarum Bon. et privationis officij sui prioratus pro qualibet vice, et cuilibet alteri doctori contrafacienti decem librarum bon. pro quolibet et qualibet vice. Et nichilominus quicquid fuerit firmatum contra formam predictam, dispensatione facta vel non facta, ipso jure et facto sit cassum et vanum.