[453] In Christi Nomine amen, [ad honorem et reverentiam omnipotentis dei etc.], honorabiles et scientifici viri prior doctorum scientie medicine Collegij studij bononie et doctores ipsius Collegij circha statum prosperum eiusdem Collegij et scolarium studentium in dicta scientia in studio antedicto sedulo vigilantes, et cupientes statum ipsum eorum providentie utilis provisione dirigere, ut doctores et scolares ipsi, qui nunc sunt et erunt pro tempore continua, autore domino, exinde suscipiant incrementa, statuta dicti collegij hactenus edita cum summa diligentia recenserunt, et prudentum partecipato conscilio, quedam ex ipsis statutis approbaverunt, pluraque declaraverunt et nova admixerunt, prout crediderunt varietati temporis expedire, ipsaque statuta sic per eos approbata ac de novo addita ad onnipotentis dei et eius Matris beate Marie virginis gloriose nec non totius celestis curie gloriam et honorem, et ad exaltationem regiminis popularis civitatis bononie et quietum statum Studij prelibati, statuta eadem voluerunt et decreverunt in hac forma describi et sub infrascriptis Rubricis debite collocari, eaque statuto publicaverunt et voluerunt in omnibus et per omnia observarj, alijs statutis prefati collegij penitus revocatis. Quorum statutorum cum Rubricis precedentibus sic se habent.