Item statuerunt et ordinaverunt quod omnes et singuli scolares Universitatis predicte, et omnes et singuli obedientes, aut suppositi ipsi Universitatj ac doctores scientie medicine et artium studij bononiensis actu legentes, et alij qui volunt seu intendunt ab Universitate seu ex ea commodum aliquod reportare, teneantur et debeant servare statuta presentia et fienda in futurum et obedire domino Rectori Universitatis eiusdem in licitis et honestis sub virtute prestiti iuramenti et sub pena et penis in statutis contentis, si in eis alique expresse et specificate reperirentur, alias arbitrio domini Rectoris imponendis et exigendis. Quas penas ipse Rector et quilibet alius, qui pro tempore fuerit, exigere et exigi facere teneatur. Et recusantes solvere, privare suo arbitrio; a qua privatione privatus restitui non possit nisi penam solverit et ultra Universitati viginti solidos bon.