Item cum plerumque contingeret aliquos scolares velle expendere de pecunia Universitatis aliquam quantitatem pecunie, et temporibus retroactis predicti scolares et Consciliarij una cum Rectoribus expendiderint pecuniam Universitatis malo modo et in malia expensis, statuerunt et firmaverunt quod aliquis scolaris, Rector, sive Consciliarius aut Massarius sive Depositarius Universitatis, vel quivis alius de cetero non possit expendere vel expendi facere aliquam quantitatem pecunie de pecunia Universitatis in potu vel comestione aut aliqua re vel causa, preter salaria Sapientis et Syndici ac notarij Universitatis et expensas fiendas pro induendis bidellis et nuntijs mittendis extra civitatem et districtum Bononie, pro electione alicuius doctoris, sine licentia et voluntate duarum partium Universitatis. Salvo etiam quod, ad petitionem domini Rectoris et Consciliariorum, Massarius Universitatis debeat facere illas expensas, quas statuta fieri permittunt, sub pena decem librarum bon. domino Rectori, si aliter expenderetur pecunia predicta, et restitutionis dicte pecunie ipsi Universitati et ipsi Massario et cuilibet alteri centum solidorum bon. et restitutionis pecunie expense, salvis semper statutis aliter disponentibus.