Item quia multotiens contingit scolares conventuandos immediate post publicam eorum velle recedere, et multotiens et quasi ut semper hinc retro, acciderit quod non [284] potuerunt recedere propter defectum privilegij publice eorum, et si recesserint contingerit eos recessisse sine privilegio, idcirco volentes predictis obviare statuerunt quod aliquis Bidellus non audeat vel presumat aliquam quantitatem pecunie alicuj notario [tradere] pro scriptura alicuius privilegij, nisi primo dictum privilegium a dicto notario habuerit, pena cuilibet bidello contrafacientj quadraginta solidorum pro quolibet et qualibet vice.