Item statuerunt quod nullus admittatur de cetero pro bidello alicuius doctoris legentis ordinarie vel extraordinarie, cuius debuerit esse bidellus, nisi primo Rectori, qui pro tempore fuerit, presentatus fuerit et per eum approbatus et confirmatus, pena doctori qui eum admiserit centum solidorum bon. Et ipsi bidello nullus scolaris audeat aliquid dare pro collecta vel solvere, sub pena prestiti iuramenti. Et quod bidellus sic presentatus non possit repelli nec refutari, per dominum Rectorem qui pro tempore fuerit, nisi cum causa legitima que per maiorem partem consciliariorum fuerit approbata, sub pena Rectori centum solidorum bon.