Item statuerunt quod aliquis examinatus in medicina non possit dare vocem nec stare in Universitate quando ipsa Universitas congregatur vel convocatur aut congregata est pro aliquibus factis seu negocijs tractandis, nec possit dare vocem, sub pena cuilibet et in quolibet casu, decem librarum bon., nec eligi possit ad aliquod offitium Universitatis, pena Rectori, qui ipsum in Universitate predicta dictum talem stare permiserit aut dare vocem contra formam huius statutj, decem librarum bon.