[271] Item statuerunt pro honore scolaris conventuandi quod quilibet doctor collegij teneatur sociare scolarem conventuandum in eundo et redeundo ad sanctum Petrum, sub pena quinque solidorum bon. pro quolibet et qualibet vice, nisi iusta causa subesset, que sacramento valletur. Et quilibet possit accusare et denuntiare, et in credentia teneatur. Et quod dicitur de doctoribus collegij, idem intelligatur de quolibet doctore legente in medicina vel artibus ac etiam de quolibet scolarj studente in Medicina vel artibus.