Item statuerunt et ordinaverunt quod quilibet doctor legens ordinarie in scientia Medicine et etiam in artibus, ab Universitate electus, teneatur et debeat habere quendam bidellum particularem per dominum Rectorem et consciliarios approbatum, et teneatur etiam observare puncta eidem taxata per dominos, quibus dominus Rector, qui pro tempore fuerit, duxerit committendum, et omnia et singula facere ad que tenentur alij doctores ordinarie legentes ex forma aliquorum statutorum nostre Universitatis, sub pena centum solidorum bon. pro quolibet contrafacientj et qualibet vice, pena Rectorj non observare facienti predicta centum solidorum bon.