Item ad evitandum rixas que in Universitate solent accidere, statuerunt quod nullus doctor vel scolaris, vel quivis alius electus ad salarium aliquod Communis Bononie, [260] audeat vel presumat facere aliquod convivium die electionis vel post ejus electionem per octo dies a die sue electionis; nec audeat vel presumat facere coreizarj de die vel de nocte infra tempus predictum. Et quod nullus doctor vel scolaris procurans eligi ad salarium aliquod, audeat ire ad saligatam fratrum Minorum, nec ad ecclesiam dictorum fratrum die qua fierj debuerit electio, occasione praticandi scolares. Et quod nullus dictorum doctorum seu scolarium procurantium eligi, possit intrare Universitatem causa aliquid proponendi vel arengandi pro eorum electionibus, pena cuilibet doctorj vel scolari pro quolibet et qualibet vice et in quolibet dictorum casuum, decem librarum bon. Et si ex voluntate vel[l]et  facere predicta, tunc et eo casu statutum predictum non habeat locum.