Item pro honore studij ac studentium Civitatis Bononie statuerunt quod nullus possit legere in Civitate Bononie in aliqua scientia ordinarie, nisi fuerit conventuatus, sub pena decem librarum bon. Et eandem penam patiatur quilibet scolaris, quj sub eo intraverit, salvo quod legentes in gramatica vel Cyrugia non teneantur ad predicta, nisi esset pro utilitate Universitatis scolarium; tunc sibi exhibeatur terminus duorum vel trium mensium, si fuerit obtentum per maiorem partem dicte Universitatis.