Providerunt quod quilibet qui de cetero in scientia medicine repetere voluerit scolaribus, debeat studuisse Bononie vel alibi, ubi studium fuerit generale, saltem tribus annis, nisi fuerit licentiatus in artibus, quo casu suffitiat eum studuisse duobus annis quo ad hoc ut repetere possit. Et quod quilibet volens repetere teneatur satisdare ydonee, vel pignora manutenentia deponere ipsi domino Rectori de centum solidis bon., de observando statuta Universitatis et parendo Rectorj; pena cuilibet contrafacienti centum solidorum bon. Et teneatur etiam repetere lectiones, scilicet de mane et in nonis usque ad pascha, et examinare de sero, sub pena duorum solidorum bon. pro qualibet lectione obmissa vel non examinata, et habere debeat a quolibet scolari pro suo salario quadraginta solidos bon. et non plus.