Statuimus quod omnes doctores legentes in scientia medicine solutionem recipiant a scolaribus hoc modo, videlicet a quolibet scolari tam pro salario lecture quam etiam pro collecta bancharum in summa solidorum viginti bon., salvo quod, si fuerit scolaris in bancho Rectoris vel in bancis anterioribus, teneatur solvere unum florenum, ut supra dictum est. Quam collectam facere possint quadocumque post festum sancti Andree, semel tantum. Et quandocumque solverit uni magistro, ab alio magistro legenti eadem hora easdem lectiones compelli non possit. Verumtamen liceat cuilibet magistro quandocumque ante annum illum, in quo fuerit in scolis eius et, non ultra, non solventes compellere ad solvendum. Et si aliquis magister ante dictum tempus fecerit aliquam collectam, condempnetur per Rectorem in centum solidis bon.