[245] Item statuerunt quod scolares Universitatis si contra scriptores vel miniatores aut correctores agere voluerint, teneantur eos convenire coram domino Rectore, et quod ipsi scriptores, correctores et miniatores teneantur et debeant coram eo respondere; et si dicti scriptores, correctores vel miniatores audientiam dictj Rectoris aut ipsum recusaverint, quod ipse Rector, qui pro tempore fuerit, teneatur talem scriptorem, correctorem vel miniatorem privare ad petitionem scolaris. A qua privatione restituj non possit nisi solverit universitati viginti solidos bon. et consensum habuerit ab eo, qui ipsum privari fecisset.