Item providerunt, statuerunt, firmaverunt et ordinaverunt quod quilibet doctor, scolaris vel quivis alius dicte universitati subpositus teneatur benivole, pacifice et quiete audire omnia et singula precepta, cedulas et mandata, que per scolas vel alibi ubicumque fieri contigerit vel legi ex parte domini Rectoris presentis, et qui pro tempore fuerit, sub pena vigintiquinque librarum bon. cuilibet doctori, et centum solidorum bon. cuilibet scolari. Quas penas teneatur quilibet Rector, qui pro tempore fuerit, exigere infra decem dies postquam liquidum fuerit eidem, sub pena eadem ipsi domino Rectorj, eidem in fine sui offitij per Rectorem et sindicos auferenda et Universitati applicanda.