Quoniam decet quemlibet offitialem tempore debito, et maxime ipsius finito offiitio, sui offitiij reddere rationem, statuerunt quod quilibet Rector, tam presens quam qui de cetero fuerit, finito suo offitio, teneatur per se vel per substitutum ydoneum, cum ydonea satisdatione admittenda stare in Civitate Bononie, quindecim diebus proxime finem sui offitijs subsequentibus, ad syndicandum, et quod semper, facta novj Rectoris et Consciliariorum electione, in ipsa Universitate eligantur quatuor scolares, quorum quilibet audiverit Bononie Medicinam duobus annis, si reperiri possit, alias scilicet uno anno sufficiat eum audivisse, semper servato quod non sit prohibitus per statuta, scilicet unus de qualibet natione, etiam si dicto tempore, vel aliqua eius parte, aliqua studij fuisset privatio vel interdictum. In quorum electione servetur supra traditus modus in electione Consciliariorum; et si alias vel aliter fieret, electio non valeat ipso jure. Quj electi, ut supra, nominentur syndici ad syndicandum Rectorem et sint, et quorum quilibet teneatur novo Rectorj corporale sacramentum prestare quod syndicatus offitium bene et legaliter, pura fide explicabit et faciet, nec non omnia et singula que circa syndicatum predictum occurrerint facienda. Rectoris autem finito offitio, quj Syndicari debuerit, statim dicti Syndici, una cum Rectore novo et Sapiente [predicte] universitatis seu alio Sapiente de Collegio Iudicum, quem maior pars eorum duxerit eligendum dictorum Rectoris et Syndicorum, antiquum Rectorem jnfra quindecim dies sindicare teneantur, et syndicatum eius et ipsum Rectorem expedire, absolvendo vel condempnando, in virtute prestiti sacramenti, de omnibus et singulis factis seu obmissis, et maxime de penis non exactis et atlijs quibuscumque que ad ipsius offitium quomodolibet pertinebant. De quibus etiam Sapiens et Syndicus ac Notarius universitatis predicte teneantur inquirere et investigare [230] et ipsis Syndicis denuntiare. Ad quorum et cuiuslibet eorum denuntiationem predicti Syndici teneantur procedere, condempnare et punire, sub pena quadraginta solidorum bon. pro quolibet dictorum syndicorum et quolibet predictorum obmisso et vice qualibet. Teneantur insuper inquirerere contra dictum Rectorem et suos Consciliarios de eo, quod non observaverint et observari fecerint omnia et singula statuta, reformationes et provisiones ipsius Universitatis, prout infra in statuto, quod loquitur de observatione statutorum, continetur, et de eo, quod incidisset aliquam penam ex forma alicuius statuti ipsius Universitatis predicte. Teneantur etiam omnium et singulorum petitiones et querimonias contra ipsum Rectorem porrigendas audire et recipere, et in eis et super eis procedere summarie et de plano, sine strepitu et figura iuditij, ac probationes recipere, sententiare et terminare, et effectualiter executioni contradi facere infra tempus predictum, etiam non obstante in predictis vel aliquibus supradictis quod petitiones et querimonie, inquisitiones seu processus minus legitime viderentur ordinate, attentis solum probationibus et ipsa rei veritate. Et valeat quicquid per eos vel maiorem partem eorum factum et sententiatum fuerit una cum Sapiente et Syndico supradicto, seu alio Sapiente de Colegio Iudicum Civitatis Bononie, quem Rector et Syndici vel maior pars eorum duxerint eligendum. Et intelligantur in dictis petitione, querimonijs, inquisitione, processibus et sententijs, in omnibus et singulis que fient per dictos Syndicos in predictis esse apposite et observate omnes solempnitates et singule que requiruntur ex forma Iuris seu statutorum aliquorum ipsius universitatis, ita quod a sententia seu sententijs ferenda seu ferendis, per eos aut maiorem partem eorum, ut supra, nullo modo possit nec valeat appellari, de nullitate dici vel opponj, aut restitutio aliqua postulari. Acta vero agitanda in predictis et super predictis scribi debeant per notarium universitatis. Et si Rector quj condempnatus fuerit se appellaverit, illo facto die sequentj publicetur periurus et privatus ab omnj commodo et honore universitatis predicte et ab omnibus privilegijs sibi concessis post offitium. A qua privatione non possit restituj, nisi solverit vigintiquinque libras bon. Item cum sepe contingat, quod dentur libelli et petitiones seu denuntiationes contra Rectores calumpniose et iniuste, et jura proclament calumpniantes debita pena punirj, statuerunt, quod quilibet Scolaris vel quivis alius qui deinceps porrigere voluerit denuntiationem vel libellum, seu petitionem, quocumque modo vocetur, teneatur et debeat primo, antequam libellum offerat seu petitionem vel denuntiationem domino Rectori, deponere in statione generalium bidellorum unum ydoneum pignus de dimidia tante quantitatis quanta est quantitas qua peritur Rectorem condempnarj debere, aliter libellus, petitio seu denuntiatio non recipiatur per Rectorem, Syndicos aut Sapientem supradictos. Et quicumque Scolaris, vel quivis alius, libellum, petitionem, accusationem sive denuntiationem contra dictum condam Rectorem porrigens, ut supra, infra dilationem sibi statutam non probaverit ea que sibi incumbunt aut ipsam petitionem, libellum, denuntiationem, vel querimoniam prosecutus non fuerit seu destiterit, condempnetur Universitati per Rectorem et Syndicos supradictos in quarta parte eius, quod fuisset condempnatus dictus condam Rector, aut pene quam declaratum fuisse incidisse si probatum fuisset legitime quod propositum fuerat contra eum. Et nichilominus, dicto convento, omne dapnum et interesse eidem legitime restituj facere teneantur, secundum declarationem per ipsos vel maiorem partem eorum fiendam, quam facere teneantur, et attento pignore effectualiter consequi jnfra quindecim dies in virtute prestiti iuramentj. Possit autem et debeat per Syndicos tempore syndicatus puniri et condempnari ipse Rector parti lese, quatenus in [231] supradicto ultimo casu litem suam ipse Rector reperiretur; de quibus cognitionem habeant et decisionem syndici predicti et Sapiens Universitatis seu alius Sapiens, ut supra, quem dicti Rector et Syndici vel maior pars eorum duxerint eligendum. Et eodem modo intelligatur de substituto sive de Vicerectore.