Item statuerunt quod si aliquis semel Rector fuerit, non possit perpetuo eligj in Rectorem, nec ad Rectoratus officium exercendum. Si autem aliquis semel electus fuerit in Rectorem et non acceptaverit, et per hoc penam statutorum incurrerit eamque solverit, et postea iterum eligeretur in Rectorem, ad dictum officium acceptandum invitus urgeri non possit, nec ex eo quod [non] acceptaret penam aliquam incurrat. Ubi autem alicuius electi excusatio, causa sue excusationis, per suam nationem fuisset approbata et per hoc, non acceptando, penam statutorum non incurrisset, possit alias de novo eligi, et acceptare teneatur, quemadmodum si alias nunquam electus fuisset in Rectorem.