[213] In christi nomine et Beate Marie semper Virginis, gloriose matris eius, Apostolorum petri et pauli, utriusque Iohannis ac totius triumphantis celestis curie, Amen. Hec sunt statuta honorabilis et colaudabilis universitatis scolarium scientie Medicine et artium generalis studij Civitatis Bononie, facta, edita et compilata per discretos et providos viros dominos Magistrum Petrum Iohannis de Curte de padua, artium doctorem, Magistrum Iohannem Benasati de ymericis de mantua in artibus licentiatum, Magistrum franciscum, magistri Iacobi de arimino, artium doctorem, lombardos et de nacione lombardorum, Magistrum Nicholaum magistri Michaelis de diodatis de luca artium doctorem, Magistrum Lodoicum de Orto, Tuschos et de natione tuschorum, Magistrum Paulum lelli de la valle de Roma artium doctorem, Magistrum Marinum dominici de lavarinis de sernano, Romanos et de natione Romanorum, Magistrum Iohannem de Xantis de alamania et Magistrum Iohannem duorlach de alamania, Ultramontanos et de natione Ultramontanorum. Qui electi fuerunt in statutarios per consiliarios, ut dictabat forma statuti tunc vigentis, de qua electione constat publica scriptura scripta manu Iohannis [214] condam Nannis de Pepulis, notarij, facta die XV mensis decembris Millesimi quadringentesimi quartij, duodecime Inditionis, cum consilio semper et deliberatione sapientis. Viri dominij Brance quondam petri de theucis legum doctoris tunc Sindici Universitatis; nec non per eosdem statutarios et sapientem cum omni sollicitudine et diligentia correcta et examinata. Que statuta edita et approbata ac facta fuerunt, ut sopra, ad honorem et reverentiam Sancte Romane ecclesie ac sanctissimi patris et domini domini Innocentij divina providentia pape septimi, et Reverendissimi domini domini Balthasar Cossa de neapoli miseratione divina sancti Eustachij diaconi cardinalis, Apostolice sedis Legati, ac in civitate Bononie tunc pro sancta Romana ecclesia in spiritualibus et temporalibus Vicarij generalis, et tempore honorabilis Viri domini Magistri Iohannis de bastianis de faventia tunc Rectoris dicte Universitatis et scolarium predictorum, et ad bonum et pacificum et tranquillum statum Universitatis predicte de mandato dictorum dominorum Rectoris ac statutariorum et secundum forumam statutorum dicte Universitatis tunc vigentium. Quj dicti statutarij editores et compositores, ut sopra, una cum domino Branca sapiente, in statione et ad stationem generalium bidellorum Universitatis predicte, more solito, in presentia prefati domini Iohannis Rectoris et omnium et singulorum consciliariorum Universitatis et aliorum quamplurimorum de dicta Universitate ad hoc convocatorum et spetialiter adhibitorum, approbaventur et publicaverunt predicta omnia et singula statuta et ea pro publicatis haberi voluerunt, mandaverunt et clamaverunt, ac de cetero pro statutis dicte Universitatis et scolarium studij predicti inviolabiliter observari, nec non scripta et publicata fuerunt manu Iohannis de Pepulis de Bononia notarij, et nunc notarij dicte Universitatis, sub anni domini Millesimo Quadringentesimo quinto, Indictione XIII die…