In nomine domini nostri Yesu Christi, amen. Honorabiles et Egregij Medicine doctores collegij dicte scientie Medicine studij bononiensis, quorum nomina sunt hec, videlicet,

Magister Johannes de Buchis, honorabilis               Magister Iohannes de Muglo,

prior dicti collegij Medicorum,                                    Magister Guizardus de principibus,

Magister Martinus de Cento,                                       Magister Petrus de Argelata,

Magister francischus aristotilis,                                  Magister Vincentius magistri Antonij vincentij,

Magister Antonius de ferris,                                         et Magister Andreas de cazano,

Magister Johannes magistri guidotti,

Magister Iohannes de cazano,

[521] Existentes collegialiter, et ad collegium, more solito, congregati et coadunatj in sacristia nova Ecclesie chathedralis sancti Petri bonon., eidem ecclesie contigua et connexa, per Benedictum quondam ………….  specia[le]m nuntium et Bidellum dicti collegij, de mandato suprascripti Egregij medicine doctoris Magistri Iohannis de buchis, ad presens collegij memorati prioris, fatientes et representantes totum Collegium medicine studij antedictj, cum sint et fuerint ultra quam due partes doctorum dicti Collegij, totum dictum collegium representantium, absentibus suprascriptis: magistro Paulo de Buvalinis, Magistro dominico de Raigosia et magistro Bandino de Muiglo, qui ab uno anno et citra non residerunt nec residentiam fecerunt in Civitate et comitatu bonon., ac etiam suprascriptis Magistro Petro de Varignana et Magistro Daniele de sancta sophia in dicta civitate residentibus, et ad presens in dicto collegio ex causa legitima personaliter interesse non valentibus, jpsique omnes undecim doctores dicti collegij sic, ut premittitur, in dicta sacristia collegialiter congregati, et hac causa coadunatj, tamquam totum dictum collegium representantes, unanimiter et concorditer suprascripta omnia et singula statuta et constitutiones ex alijs antiquis statutis et constitutionibus dicti collegij per ipsos omnes doctores extracta, correcta et de novo condita, facta et ordinata in presenti volumine cartarum undecim numero, presenti carta computata rescripta, et omnia et singula in eis et eorum quolibet contenta et descripta, et sub dictis Rubricis serioxe et ordinate collocata et descripta, unanimiter et concorditer, tanquam collegium antedictum, suprascriptis Magistro Iohanne de cazano, et Magistro Andrea de cazano, ipsius magistrj Iohannis filio, dumtaxat exceptis, qui dixerunt ac semper protestati fuerunt quod nolebant consentire certe parti tertij statuti, positi sub Rubrica de officio et Iurisdictione domini prioris, ubi cavetur quod prior dicti collegij possit et teneatur cognoscere de omnibus et singulis questionibus etc., dicentibus, asserentibus et expresse protestantibus se velle litigare et agere ac convenirj posse coram quocumque alio Iudice competenti, prout eis videbitur, et non coram suo priore, prout de Iure eis licet, alijs vero omnibus statutis et constitutionibus, excepta parte predicta, consentientibus et approbantibus, publicaverunt, approbaverunt, emologaverunt et confirmaverunt, et pro approbatis, validatis et publicatis per omnes et singulos, quorum interest vel interesse posset in futurum, vel poterit, haberi voluerunt, decreverunt et mandaverunt. Volentes dictj Prior et doctores omnes, exceptis dictis magistro Iohanne et Andrea de cazano protestantibus, ut supra, ac parti dictj statutj non consentientibus, ut collegium antedictum ipsa omnia et suprascripta statuta de novo correcta, edita et ordinata et omnia et singula in eis, et eorum quolibet contenta et descripta, inviolabiliter observarj. Rogantes jnsuper dictj Prior et doctores nos Iohannem de duiolo et Bertolomeum de muglo, notarios infrascriptos, et quemlibet nostrorum in solidum, quod de premissis omnibus et singulis public conficiamus Instrumentum.

Acta fuerunt predicta omnia Bononie in dicta Sacristia nova dicte Eclesie chathedralis sanctj Petrj, eidem ecclesie contigua et connexa, presentibus domino Azzolino, quondam Johannis, de ferraria, dicte Sacristie sacrista, domino Johanne, quodam Bernardi, capellano in dicta ecclesia, et Benedicto, quodam thome, aromatario, cive bon., capelle sancti Laurentij porte sterij, testibus omnibus ad predicta vocatis et rogatis, sub annis [522] ab Jncarnacione dominj nostri yesu christi Mille et quadringentis decem, Indictione tertia, die vigesimo mensis aprelis, tempore Pontificatus sanctissimi in christo patris et domini nostrj dominj Allexandrj divina providentia pape quintj.

(L + S) Ego Johannes, quondam Martinj, de duiolo, Civis bon., publica, apostolica, Imperiali et Comunis Bononie ac Curie episcopalis Bon. auctoritate notarius, et nunc dicti Collegij doctorum scientie Medicine notarius et scriba, publicationi, approbationi et emologationi suprascriptorum statutorum, Constitutionum et ordinamentorum in suprascriptis undecim cartis descriptorum, per suprascriptos priorem et doctores scientie medicine factorum, dum sic, ut premictitur, agerentur et fierent, una cum prenominatis testibus jnterfui, et rogatus scribere, una pariter et in solidum cum Barholomeo de Muglio notario infrascripto, etiam dicti collegij notario, alijs impedito negotijs, ipse Bartholomeus et ego per alium, scribi fecimus fideliter de Mandato dictorum doctorum et hic me subscripsi, signumque meum consuetum apposui in testimonium premissorum.

Ego Bartolomeus, quondam magistri Jacobi de Muglo, civis bonon., publica, Jmperialj et comunis bon. autoritate notarius, et nunc dicti Collegij doctorum scientie Medicine notarius et scriba, publicationj, approbationj et emologationi supradictorum statutorum, constitionum et ordinamentorum, in supradictis undecim cartis descriptorum, per suprascriptum Priorem et doctores Medicine factorum, dum sic, ut premittitur, agerentur et fierent, una cum prenominatis testibus interfui et rogatus fui de predictis, [et] una pariter et in solidum cum ser Johanne de duiolo, notario suprascripto, etiam dictj collegij notario, alijs negotijs impedito, per alium scribi fecimus fideliter; in testimonium omnium premissorum me hic subscripsi et signum meum apposui consuetum.