Statuimus et ordinamus quod nullus medicus, cuiuscumque condictionis et status existat, audeat vel presumat portare seu defferre varium in capite in civitate bon., nec aliqua insignia doctoratus, nisi sit doctor publice doctoratus in aliquo studio aprobato, de quo teneatur facere fidem, si fuerit requisitus, priorj et collegiarijs nostri collegij, sub pena decem librarum bon. cuilibet contrafacienti, pro qualibet vice, aplicanda pro tercia parte comuni bon., et pro tercia parte domino potestati bon., et pro tercia parte collegio prefato medicine, de facto exigenda per dictum priorem collegij doctorum scientie medicine.