Insuper statuimus et ordinamus, ut in examinibus cirugicorum modus limitetur et ordo, quod ille, qui examinari debet in cirugia, primo recipiat punta de mane a priore et doctoribus dicti collegij tantum, pro prima lectione, super tercia fen quarti canonis Avicen[n]e. Et pro secunda lectione super prima parte cirusye Brunj; et quod in vesperis decretorum, vel alia hora deputata, veniat ad examen; in quo examine intersint doctores nostri collegij. Et primo debeat legere bene et puntare testum prime lectionis, postea dividere, verifficare et sententiare dictum testum, et similiter de secunda lectione. Et quod [517] quilibet doctor, vel maior pars eorum, possit arguere uno argumento tantum et unica replicatione in prima lectione. Super secunda lectione vero eodem modo fiat. Et quod examen predictum fiat et fieri debeat in ecclesia, seu monasterio, sancti salvatoris bononie, seu in alio loco per priorem et consiliarios dicti collegij, vel maiorem partem eorum, elligendo et deputando, dummodo non fiat in Ecclesia cathedrali bon.