Statuimus et ordinamus quod nullus doctor nostri collegij possit vel debeat associare aliquem scolarem civem vel forensem ad privatum examen in medicina, nisi essent doctor vel doctores presentans vel presentantes, nisi presentatus sit Rector universitatis [513] scientie medicine, et nisi scolaris predictus foret filius, vel frater, vel nepos alicuius doctoris nostri collegij, quibus casibus possint tunc doctores accedere ad dictum examen predicti scolaris, vel nisi natus est de domo, vel progenie ex aliquo de domo, vel progenie alicuius doctoris nostri collegij, quo casu ille doctor seu doctores de dicta progenie possit, vel possint, sociare dictum scolarem. Et quod doctores dicti collegij petant licentiam a domino priore, si volunt asociare eum, sub pena viginti soldorum bon., nisi in casibus predictis, cum hoc sit contra honorem collegij et dampnosum scolari propter expensas quas oportet facere occaxione predicta.