Cum insurgat necessitas, propter peragenda negotia dicti collegij, notarium specialem et bidellum specialem habere, qui officia limitata habeant et habere debeant, et cum omnis labor optet premium, h[a]c nostra constitutione providemus et ordinamus et firmamus quod in quacumque ellectione fienda de notario et bidello antedicti collegij, hic modus et forma debeat observari, videlicet quod dominus prior collegij, qui pro tempore fuerit, post mortem vel capsationem notarij presentis vel bidelli vel alterius notarij vel bidelli, qui pro tempore fuerit, infra terciam diem debeat notifficare et intimare doctoribus dicti collegij et in dicto collegio, qualiter necessarium et oportunum est procedere ad ellectionem notarij novi, seu bidelli, secundum quod casus acciderit. Et quod quilibet doctor, qui sciret vel cognosceret aliquem idoneum vel sufficientem ad dictum officium vacans exercendum, debeat nomen, pronomen, et cognomen in scriptis dare dicto domino priori, dum tamen talis sit homo bone condictionis et fame et civis civitatis bon., origine propria et paterna et maior xxv annis, bonus, sufficiens et ydoneus notarius in societate notariorum civitatis bon. descriptus ante per quinque annos, et artem notarie bene et legaliter publice exercuerit et exerceat. Et bidellus sit civis civitatis bon., ratione originis proprie, et homo bone condictionis, vite et fame et legalitatis et maior vigintiquinque annis, sub pena, doctori danati nomen alicuius contra formam predictam, viginti soldorum bon., a qua pena ratione ignorantie aliquo modo se non valeat excuxare, retinenda per priorem subsequentem vel eius vices gerentem, et dividenda inter dictos doctores. [Qui dominus Prior, infra octo dies post notificationem predictam, teneatur et debeat, sub pena quinque librarum bon., retinenda per priorem subsequentem], facere congregari collegium antedictum, et in dicta congregatione publicare omnia nomina sibi data in scriptis per dictos doctores vel eorum alterum, et proponere quis eorum videtur dicto collegio [509] et doctoribus sufficientior et ydonior ad dictum officium vacans exercendum. Et ille qui plures voces habuerit, secundum quod fit in ellectione prioris, sit et esse intelligatur dicti collegij offitialis, et ad dictum officium, de quo agitur, exercendum, et ellectio, que reperiatur facta contra vel preter formam predictam, et de persona que non sit condictionis et qualitatum predictarum, iure ipso sit nulla. Ac etiam comoditatem aliquam vel beneffitium participare non valeat neque possit notarius et bidellus ellectus contra predictam formam. Ac etiam notarius et bidellus, qui nunc est, teneatur iurare in manibus domini prioris, qui pro tempore fuerit, ad omnem requisitionem dicti domini prioris, eorum offitia bene, dilligenter et solicite, et sine aliqua fraude vel malitia exercere et administrare et parere et obedire idem domino priori et doctoribus collegij antedicti in hijs, que spectant ad eorum offitia, [nec] non in omnibus licitis et honestis. Offitia vero dictorum notarij et bidelli volumus esse in hac forma, videlicet quod notarius dicti collegij, qui nunc est, vel pro tempore fuerit, teneatur et debeat scribere et in publicam formam redigere in cartis pecudinis et edinis omnes presentes constitutiones, et de ipsis facere duas copias, quarum una claudatur et sigilletur sigillo collegij dictorum doctorum, et deponatur ad perpetuam rey memoriam ad cameram actorum civitatis bon.; alia vero remaneat et remanere debeat penes notarium dicti collegi, vel penes priorem dicti collegij, qui pro tempore fuerint, et continue ad requisitionem prioris, qui pro tempore fuerit, una cum doctoribus dicti collegij interesse. Et scribat in libro suo, quem penes se debeat retinere, omnia et singula actanda et fienda per dictum dominum priorem et doctores ipsius collegij ad dictum collegium spectantia et pertinentia, et loca congregationum, annum et mensem et diem; et fabas [debeat] dare albas et nigras dictis doctoribus quando partita ponuntur per dictum priorem, et habere unum busullum, in quo debeant poni et stare fabe, que dantur per prelibatos doctores. Quem busullum debeat habere et retinere in manibus dictus notarius vel bidellus collegij antedicti. Et postquam fabe fuerint numerate per priorem collegij antedicti, vel eius vices gerentem, scribere numerum dictarum fabarum et quicquid optentum fuerit in dicto collegio scribere, et redigere omnia que fient. Et etiam scribere omnes ellectiones prioris dicti collegij et officialium ipsius ad omnes et singullos actus congregationis et congregationum factos et fiendos, et gestos et gerendos per priorem predictum et collegium; et subscribere in dicto libro, prout processerit de voluntate dicti domini prioris et doctorum, et generaliter omnia et singula facere et exercere, que videbuntur utillia et necessaria et oportuna fieri pro collegio prelibato et doctoribus ipsius, iuxta ipsius notarij possibilitatem. Bidellus vero predictus eo modo et forma teneatur et debeat, ad requisitionem prioris qui pro tempore fuerit, collegium dictorum doctorum et doctores ipsius collegij requirere ad congregationes fiendas. Et ibidem interesse continue in horis sibi impositis et iniunctis et iniungendis, et imponendis et iniungendis per dictum priorem, et ad omnem locum accedere, una cum dicto priore et collegio doctorum ipsius, tociens quociens fuerit necessarium et oportunum, ad omnem alium locum pro libito voluntatis ipsius domini prioris et collegij doctorum predictorum, et generaliter omnia et singula facere, dicere et exercere et adimplere ac cum effectu mandare, que fuerint sibi iniuncta, ut supra. Et condempnari possit vel possint, notarius et bidellus, et quilibet ipsorum [510] per priorem, qui pro tempore fuerit, incontinenti post quinque dies, videlicet notarius usque ad quantitatem viginti soldorum bon., nisi aliqua iusta et rationabillis causa intervenerit, que debeat probari vel improbari per dictum priorem una cum duobus consiliarijs dicti collegij; et bidellus in quindecim soldos bon., nisi iusta causa intervenerit, aprobanda, ut supra. Et quod dictus bidellus teneatur associare scolarem doctorandum ad convitandum pro publica pedes vel eques, secundum quod dictus scolaris convitaverit. Salaria autem sua debeant esse tanta in hac forma, videlicet quod notarius et bidellus dicti collegij, qui nunc [sunt], vel pro tempore erunt, et uterque eorum, habeant et habere debea[n]t a quolibet scolari cive libras quatuor bon., a forense vero, cuiuscunque status et condictionis existat, transire volenti ad privatum examen in medicina, viginti soldos bon., et in publica viginti soldos bon. pro quolibet eorum tam civium quam forensium, et quod nullus doctor dicti collegij aliquem ex predictis debeat presentare ad aliquod publicum vel privatum examen, nec aliqua insignia doctoratus dare, nisi prius satisfecerit notario et bidello, prout superius est scriptum, sub pena cuilibet doctorj contravenienti predictis vel alicui predictorum quinque librarum bon. aplicanda collegio antedicto et dividenda, ut supra. Et nichilominus teneatur satisfacere dictis bidello et notario. Et quod prior dicti collegij non audeat vel presumat convitare collegium pro pubblica vel privata, nec aliquis ex doctoribus dicti collegij interesse examinationi ipsius conventuandi vel examinandi, sub pena quatraginta soldorum bon. priori et cuilibet doctori interessendorum, aplicanda et dividenda, ut supra, nisi satisfactum fuerit dictis notario et bidello, ut superius scriptum est, et hoc pro honore dicti collegij [et] conventuandj.