Quia propter importunitatem pectentium multa inconvenientia aliquando conceduntur et consecuntur, que non concederentur, et sic unde debet ius orirj, opositum aliquando consequitur, presenti morbo obviare volentes, hac constitutione decernimus et firmamus, quod quocienscumque contigerit de ceptero aliquam fieri postam in collegio predicto super quacumque re vel facto, que non fuerit admissa, amplius non possit proponi, [507] per ipsum priorem nec super ea, aut contentis in ea, consulli aut arengari tempore sui prioratus, vel per alium quemcumque subrogatum, vel subrogandum loco ipsius prioris, pena contrafacienti vigintiquinque librarum bon. et privationis officij sui prioratus pro qualibet vice, et cuilibet alteri doctori contrafacienti decem libarum bon. pro quolibet et qualibet vice. Et nichilominus quicquid fuerit firmatum contra formam predictam, dispensatione facta, vel non facta, ipso iure et facto sit capsum et vanum, nisi per totum collegium, nemine discrepante, fuerit dispensatum quod iterato possit proponi.