Item statuerunt, providerunt et ordinaverunt quod prior nullam postam vel aliquid aliud possit proponere tempore sui offitij in dicto collegio, nisi primitus illud talem proponendum deliberaverit et obtinuerit inter omnes consiliarios, vel maiorem partem eorum, et sic proponatur, et de hoc constare debeat scrutinio notarij dicti collegij, alias talis propositio et posta, etiam si a toto collegio fuerit o[b]tenta, non teneat et ipso iure sit nulla, et quicquid ex ea fuerit secutum; et prior sic proponens sit periurus et privatus omni honore dicti collegij et cadat in penam viginti quinque librarum bon., aplicandarum dicto collegio.